မၢၵ်ႇလူင်တူၵ်းသႂ်ႇဝဵင်းမိူင်းငေႃႉ တိူဝ်ႉႁိူၼ်းၵူၼ်းဝၢၼ်ႈ

ၸုမ်းဢမ်ႇႁူႉၸၵ်းၾၢႆႇယိုဝ်းမၢၵ်ႇလူင်တူၵ်းသႂ်ႇၼႂ်း ဝဵင်းမိူင်းငေႃႉ 5 လုၵ်ႈ၊ တိူဝ်ႉႁိူၼ်းၵူၼ်းဝၢၼ်ႈလုၵွႆ။ ဝၢႆးၼၼ်ႉ ၸဝ်ႈၼႃႈတီႈမၢၼ်ႈႁွင်ႉဢုပ်ႇၸဝ်ႈႁိူၼ်း။ သိူဝ်ၽိူၵ်ႇဝႃႈ တေသိုပ်ႇၸွပ်ႇထၢမ်ၸွမ်းသူၼ်ႈ ၵဵပ်းၶေႃႈမုလ်း။

Weaponၵွင်ႈၵၢင်ႇၶိူင်ႈသိုၵ်းသႅၼ်းၼိုင်ႈ

ၶိုၼ်းဝၼ်းထိ 08/11/12 ၵၢင်ၼႂ်ဝၼ်းထိ 09/11/12 ယၢမ်း 03:00 မူင်း၊ မီးၸုမ်းသိုၵ်းဢမ်ႇႁူႉၸၵ်းၾၢႆႇယိုဝ်းၶိူင်ႈၵွင်ႈလူင် တူၵ်းသႂ်ႇၼႂ်းဝဵင်းမိူင်းငေႃႉ ၼႂ်းၵိင်ႇၸႄႈဝဵင်းမိူင်းငေႃႉ၊ ၸႄႈဝဵင်းၵျွၵ်ႉမႄး ၸိုင်ႈတႆးပွတ်းႁွင်ႇ။

ၵဵဝ်ႇၵပ်းလွင်ႈၼႆႉ ၸၢႆးၼွင်ႉ ၵူၼ်းမိူင်းငေႃႉလၢတ်ႈဝႃႈ- မိူဝ်ႈၼႆႉ (မိူဝ်ႈဝႃး) ၵၢင်ၼႂ် 3 မူင်း မီးသိုၵ်းၸုမ်းၼိုင်ႈယူႇတၢင်းၼွၵ်ႈ ဝဵင်းသေ ဢဝ်ၶိူင်ႈၵွင်ႈလူင်ယိုဝ်းသႂ်ႇ တီႈၼႂ်းဝဵင်းမိူင်းငေႃႉ ဝၢၼ်ႈတူင်ႈလူင် 5 လုၵ်ႈ၊ တိူဝ်ႉၺႃး ႁိူၼ်းၵူၼ်းဝၢၼ်ႈၽွင်ႈ။ မိူင်းလႅင်းမႃး ၾၢႆႇပလိၵ်ႈမၢၼ်ႈၶဝ်မႃးႁွင်ႉၸဝ်ႈႁိူၼ်းၵႂႃႇဢုပ်ႇထမ်သင်ဢမ်ႇႁူႉ- ဝႃႈၼႆ။

မၢၵ်ႇလူင်တူၵ်း 5 လုၵ်ႈၼၼ်ႉ တႅၵ်ႇ3 လုၵ်ႈ၊ 2 လုၵ်ႈဢမ်ႇတႅၵ်ႇ၊ တူၵ်းသႂ်ႇႁိူၼ်းလုင်းထုၼ်းမျၢတ်ႈ ၼၢင်းမျႃႉတဵင်း၊ တီႈႁေႃႇ ၸၢႆးၶႃးလဵၵ်းၶဝ်ၼၼ်ႉၵွႆၵႂႃႇ- ၵူၼ်းၼႂ်းတူင်ႇဝူင်းပႃႇတီႇသိူဝ်ၽိူၵ်ႇ SNDP ၵေႃႉၼိုင်ႈ လၢတ်ႈၼင်ႇၼႆ။

ၵဵဝ်ႇၵပ်းလွင်ႈၼႆႉ ႁူဝ်ပဝ်ႈပႃႇတီႇသိူဝ်ၽိူၵ်ႇ ၸႄႈဝဵင်းၵျွၵ်ႉမႄး ၸၢႆးၶမ်းၵျေႃႇ ၵေႃႈလၢတ်ႈဝႃႈ- ဝၢၼ်ႈတူင်ႈလူင်ၼႆႉ ပဵၼ်ၼႂ်း ဝဵင်းမိူင်းငေႃႉၵမ်းလဵဝ်၊ ပိူင်ပဵၼ်လွင်ႈၼႆႉ လႆႈငိၼ်းဝႃႈၵိူတ်ႇၶိုၼ်ႈၼႂ်ၼႆႉ (9/11/12) ၊ ပဵၼ်ၸုမ်းလႂ်မႃးယိုဝ်းသႂ်ႇဢမ်ႇႁူႉ၊ သႅၼ်းမၢၵ်ႇၵွင်ႈတႄႉ ပဵၼ်သႅၼ်း 40 millimeter ၊ တူၵ်းၼႂ်းသူၼ်လုၵ်ႈၼိုင်ႈ၊ တီႈႁေႃႇၸၢႆးၶႃးလဵၵ်းလုၵ်ႈၼိုင်ႈ၊ တီႈႁူဝ်ႉၼႃႈ ႁိူၼ်းလုၵ်ႈၼိုင်ႈ၊ တႃႇ 2 လုၵ်ႈ ဢမ်ႇတႅၵ်ႇ၊ ဢမ်ႇႁၼ်တီႈတူၵ်းမၼ်း။ ၵွပ်ႈသင်လႄႈႁဵတ်းၸိူင်ႉၼႆဢမ်ႇႁူႉ၊ လွင်ႈၼႆႉ ႁဝ်းၶႃႈ တေသိုပ်ႇ ၶႆႈငိူၼ်ႈႁွႆးလွင်ႈတၢင်းပဵၼ်မႃးသေ တေသိုပ်ႇၸွပ်ႇထၢမ်ၵဵပ်းၶေႃႈမုလ်းယူႇ- ဝႃႈၼႆ။

ၸုမ်းသိုၵ်းဢၼ်တူင်ႉၼိုင်ၼႃႈလိၼ်ပွတ်းတွၼ်ႈၼႆႉ လိူဝ်သေသိုၵ်းမၢၼ်ႈ၊ မီးထႅင်ႈသိုၵ်းတႆးၸုမ်းဝၢၼ်ႈႁႆး SSPP/SSA  ၊ ၸုမ်းလွႆတႆးလႅင်း RCSS/SSA ။ မၢင်ပွၵ်ႈမၢင်လႂ်ၵေႃႈ ၸုမ်းသိုၵ်းတဢၢင်း (ပလွင်ႈ) TNLA ၵေႃႈလတ်းၽၢၼ်ႇၵႂႃႇမႃး- ၵူၼ်းဝၢၼ်ႈၼႂ်းပိုၼ်ႉတီႈၶဝ်လၢတ်ႈၼင်ႇၼႆ။

Leave a Reply

Your email address will not be published. Required fields are marked *

*

You may use these HTML tags and attributes: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <strike> <strong>

Free Web Hosting