ပေႃးထိုင် ဝၼ်းထီႉ 17.11.2012၊ ၼႂ်းလိူၼ်ၼႆႉ ၸွမ်ၸိုင်ႈ ပႃႈရတ်ႉ ဢူဝ်ႇပမႃး တေမႃးလႄႇ မိူင်းႁူမ်ႈတုမ် မိူင်းမၢၼ်ႈ ၊ မိူင်းထႆး လႄႈမိူင်းၵမ်ႇပူးၶျႃး ဝႃႈၼႆ။

ၵၢၼ်ဢွၵ်ႇၶၢဝ်းတၢင်း လႄႇမိူင်းႁူမ်ႈတုမ် မိူင်းမၢၼ်ႈ ၸွမ်ၸိုင်ႈ ပႃႈရတ်ႉ ဢူဝ်ႇပမႃး ပွၵ်ႈၼႆႉ လႆႈဝႃႈပဵၼ်ပွၵ်ႈဢွၼ်တၢင်းသုတ်း၊ ၼႂ်းၸၼ်ႉ ၸွမ်ၸိုင်ႈ မိူင်းဢမေႇရိၵ ဢမ်ႇတွၼ်ႉမႃးမိူင်းႁူမ်ႈတုမ်သေပွၵ်ႈ ဝႃႈၸိူင်ႉၼႆ။

ၵၢၼ်မႃးလႄႇ မိူင်းႁူမ်ႈတုမ် ပွၵ်ႈၼႆႉ ပဵၼ်ပုၼ်ႈတႃႇ တေပၼ်ႁႅင်းတၢင်းၵၢၼ်မိူင်း လႄႈ ပၼ်ႁႅင်းတၢင်း လွင်ႈဢၼ် ၸွမ်ၸိုင်ႈ တဵင်းၸဵင်ႇ ႁဵတ်းသၢင်ႈယူႇ ယၢမ်းလဵဝ်၊ တီႈဢၼ်လႆႈႁၼ်ဝႃႈ ၼၢင်းဢွင်ႇသၢၼ်းသူႉၵျီႇ ယၢမ်ႈလႆႈပဵၼ် ၵူၼ်းၵေႃႉ ထုၵ်ႇၵုမ်းၶင်၊ လႆႈလႅၵ်ႈလၢႆႈပဵၼ်ၽွင်းတႅၼ်း သၽႃး(လုတ်ႉတေႃႇ) ၵူၼ်းမိူင်း ဝႃႈၼင်ႇၼႆ။

ၸွမ်ၸိုင်ႈ ပႃႈရတ်ႉ ဢူဝ်ႇပမႃး တေမႃးလႄႇ ဢွင်ႈတီႈၸိုဝ်ႈသဵင်ယႂ်ႇ ၼႂ်းမိူင်းႁူမ်ႈတုမ်၊ လႄႇတူၺ်း လွင်ႈၾိင်ႈထုင်း၊ ၾိင်ႈငႄႈ လႄႈလွင်ႈယူႇသၢင်ႈၵိၼ်သဝ်း ၵူၼ်းမိူင်း တီႈတိူင်းတႃႈၵုင်ႈဝႃႈၼႆ။

လိူဝ်သေၼၼ်ႉ ၸွမ်ၸိုင်ႈ ပႃႈရတ်ႉ ဢူဝ်ႇပမႃး တေၶဝ်ႈႁူမ်ႈပၢင်ၵုမ်ယႂ်ႇလူင် ၶွင် ၸုမ်း Asian၊ တေႁူပ်ႉထူပ်း ၵၼ်တင်း ၸုမ်းၸိူဝ်း ၽူႈၶဝ်ႈပႃး Asian ၼႂ်းၵႄႈၵၢင်မႃးလႄႇ ၵုင်းထဵပ်ႉလႄႈ လူမ်ႇပႅၼ်ႇ မိူင်းလူင် ၵမ်ႇပူးၶျႃး ဝႃႈၼႆ။